ប្រែសម្រួល៖រតនា
យ៉ាងហោចណាស់មានមនុស្ស១២នាក់បានស្លាប់ និង១២១នាក់រងរបួសនៅក្នុងការផ្ទុះមួយនៅឃ្លាំងកាំជ្រួចនៅភាគខាងត្បូងប្រទេសថៃដោយបានបំផ្លាញឃ្លាំងនិងតំបន់នោះក្លាយជាកម្ទេចថ្ម។
ជនរងគ្រោះពីរនាក់ជាកុមារ រួមទាំងក្មេងប្រុសអាយុ 4 ឆ្នាំម្នាក់ និងទារកអាយុប្រាំបីខែផងដែរ នេះបើយោងតាមការផ្សាយរបស់វិទ្យុថៃ។ផ្ទះជាងមួយរយខ្នងក៏រងការខូចខាតផងដែរ។
មូលហេតុនៃការផ្ទុះនេះ កំពុងស្ថិតក្រោមការស៊ើបអង្កេត ប៉ុន្តែរបាយការណ៍ដំបូងបានបង្ហាញថា មានកំហុសក្នុងការផ្សារ។
មេបញ្ជាការប៉ូលិសខេត្តណារ៉ាធីវ៉ាត់ លោក Anuruth Imarb បាននិយាយនៅក្នុងសន្និសីទសារព័ត៌មានកាលពីថ្ងៃអាទិត្យថា ប៉ូលិសគ្រោងនឹងចោទប្រកាន់ម្ចាស់ឃ្លាំងពីបទឧក្រិដ្ឋពីបទ “បណ្តាលឱ្យមានការផ្ទុះ និងបណ្តាលឱ្យមនុស្សស្លាប់ និងរបួស និងការខូចខាតទ្រព្យសម្បត្តិ”។
លោក Samsueya Chuenchompoo ដែលផ្ទះរបស់គាត់ត្រូវបានបំផ្លាញបាននិយាយថា៖ «ខ្ញុំមិនមានអ្វីនៅសេសសល់ទេ»។“ខ្ញុំមិនទាន់មានដំបូលលើក្បាលខ្ញុំឥឡូវនេះទេ។ ពេលមានទឹកជំនន់ ខ្ញុំនៅតែអាចរស់បាន ប៉ុន្តែឥឡូវខ្ញុំពិតជាគ្មានសល់អ្វីទេ»។
គ្រោះថ្នាក់កាំជ្រួចមិនមែនជារឿងចម្លែកទេនៅប្រទេសថៃ។ មនុស្សជាច្រើននាក់ត្រូវបានគេរាយការណ៍ថាបានរងរបួសនៅក្នុងការបំផ្ទុះមួយទៀតនៅភាគខាងជើងនៃទីក្រុងឈៀងម៉ៃកាលពីដើមសប្តាហ៍នេះ៕